Decreto del 22 novembre 2001 del Governo del Popolo Veneto

istitusion: Governo del Popo£o Veneto
decreto del: Borgoricco 22/10/2001
ojeto: Creasion de£a Casa nasiona£ veneta “CASSA NAZIONALE VENETA”
lengua: veneto

El Governo decreta £a costitusion de un ente de comodo pa£a riscosion dei
crediti, dei tributi e dei patrimoni in jenere de proprietà o dirito de
l’Autogoverno del Popo£o veneto, secondo lexe veneta.

L’ ente se ciamarà “Casa Nasiona£ Veneta” o “Cassa Nazionale Veneta” a
seconda dei uxi de registrasion aministrativa. Da sto ponto in là se dirà
Casa pa indicare £a “Casa Nasiona£ Veneta” .

Fondatori de£a Casa sarà Franceschi Luciano, prexidente, Bulla Paolo,
ministro de£e finanse, Palmerini Loris, Prexidente del Tribuna£.

£a Casa no ga scopo de lucro pa i costituenti o altri ma xe fina£izà a
l’autogoverno del popo£o veneto, cofà società de servisio, secondo lexi
venete e xe de proprietà de l’autogoverno del Popo£o veneto.

£a Casa vegnarà registrà a on “Uficio del Registro” talian pa el
riconosimento da parte del stato ocupante, dopo de ché vegnarà registrà
inte’l teritorio talian pa uxo de axienda in teritorio talian, preso el
“MINISTERO DELLE FINANZE”.

£a Case se dota de on conto corente posta£ in deroga a£a lexe veneta, pa
i fini de l’autogoverno, co registrasion co i dati dimandai da£a
aministrasion ocupante.

£a Casa no podarà far debiti scoperti. Se on socio versa schei o agisce
al scoerto de moneda de casa £o fa in so conto e so spexa e soto so
responsabi£ità pena£ se no xe sta de£iberà secondo rego£e scrite soto.

£a casa par dotarse de tuti i mexi o conti anca esteri che ga bixogno de
uxare, £o fa soto delibera del prexidente de£a Casa e almanco un socio
fondatore o un so delegà. £a firma congiunta xe richiesta anca par el
prelievo de fondi o trasferimento de beni.

Tuto l’ativo de casa xe de proprietà de l’autogoverno, el pasivo xe a
carico dei soci.

El statuto de£a Casa vegnarà scrito en lengua taliana.